 |
| 有個細佬好唔合作 |
 |
| 公眾休息間(有按腳機) |
 |
| 很喜歡的彩雲樓梯 |
 |
| 洗手間位置.可以入錢洗衣. |
 |
| 認住個門口會比較易揾 |
離開民宿後，我們去了附近的麵包超人館， 除了有好多包超的精品、玩具外，地下嗰層有個play area可以讓小朋友玩一番，而一樓好似一個畫廊咁，有好多大大張的包超畫，亦有間房比小朋友去可以塗顏色，原本門口都有嘢玩的，但因為天雨今次無得玩！小朋友在這裡玩緊既同時，姑婆同姑丈就行左去隔離的「共濟農場」，其實我只能話這裡係一間細超市，結果都買了些咖哩和肉汁回去。
然後開車到附近的麓鄉展望台，位於山上，本身應該可以睇到好靚既風景，但天公不造美，落住超大的雨，係咁E下車在涼亭拍幾幅相就走了。離開富良野前，盡我最後的能力，再去埋「彩香之里」，諗住博下有冇花，不過都係失望而回，花期未到，無辦法。
 |
| 麓鄉展望台 |
中午午餐今次幫襯了一間創意料理店KUMAGERA((Kumagera 是啄木鳥的意思) ，外觀都幾靚，入到去都幾多人，等了一會兒先有位，最記得佢有牛肉刺身！食落唔似牛既質感，一試無妨！食飽飽就去旁邊的富良野站打卡，今次自駕所以無機會坐火車，黎火車站影幾張相好過無啦！個站唔大，兩步睇哂！
跟住往美瑛青池進發，一小時左右到達，雖然天氣不佳，不過還是有好多人前來睇景，由於整日都下雨，所以條路好多泥濘，抱住信信去看，青池係靚的，如果天氣好還更美，青池的美在於不同時間池面的顏色會不同，不過當然我們這一次不會看到，但也是可以打卡的地方。基本上大家都係沿住條路影相和看風景，人多就互相就下讓路啦。睇到最後又開始下雨了，唯有快快上車，然後往札幌出發。
返到札幌都黃昏時間，返返最初間酒店，放低行裝就要同準備同架車講再見。
 |
| 陪左我地幾日既車！再見了！ |
姑婆車我地到晚餐地點後就去還車。今晚我選擇了到「成吉思汗-麒麟啤酒園」(中島公園店)食飯，貪佢近地鐵站。去到大堂都要等位，除了有小量紀念品比你睇下和買，仲有少少兒童玩具，讓小孩邊玩邊等，真貼心！
忘記等了多久，但我相信最少有20分鐘，終於被安排上去了。一入到場，心裡「嘩」了一聲，很大呀！我諗有幾百個位！而且係有三層，感覺就像在演奏廳內，佢中間有個舞台，唔知係咪有公司做活動，所以好嘈好大聲。現場有點煙霧彌漫，也充滿燒烤味，因為大家都在烤肉嘛...
烤肉可以單點或任食，最後我們選了任食。餐廳細心地為每位客人準備膠的圍裙，不怕弄污衣服！還有暖的毛巾供抺手。黎到麒麟啤酒園，點都叫杯飲下啦，雖然平時唔飲酒！有丈公的幫手下，烤肉好好味呢！記住去的話可以用網上COUPON呀！食飽飽就行去坐火車回酒店，終於有機會坐下呢到的火車了！
沒有留言:
張貼留言