不過一直都好忙，星期日還在慶祝心心的五歲生日，在家辦了個生日會，星期一返公司最後衝刺就安心放假了，但行李未執過.....唯有晚飯過去快快哄兩位寶貝睡覺後就全速執喼！
由於航班早上9點飛，即係7點幾要到機場，即係要坐6點幾的巴士，即係5點幾要起身....
終於成功上到巴士，巴士也超多人，抱著細佬坐，其實都訓唔到，期待上機可以訓啦....
Check In完就食早餐，順便去拎WIFI蛋，之前有人話會勁多人排，不過我這天也可以，排幾個就到，小小的COUNTER也站了2-3個職員，過程也快的，知道係要俾$500按金，諗住用信用咭，誰知本人淨係拎左張銀聯咭去旅行(諗住無手續費嘛)，點知佢唔收，好彩還在五百元現金在身，否則又要走上去搵老公求救再排隊....事後就知道，點都帶返張VISA/MASTER穩陣，旅行途中都唔係間間收銀聯咭。
順利拎左WIFI蛋，就準備入閘，過關又要無人駕駛列車，結果人地都FINAL CALL，差不多是最後的乘客了…所以連指定呃LIKE的閘口相也無閒影，直奔機艙，好彩過關前還影了張傻B相。由於細佬係BB票，我怕飛機爆滿我就要抱住佢坐5個鐘，所以預先要求了用BB籃，亦因此免費被安排了坐第一排的位置，中間的四個座位，結果由於班機不滿，所以細佬也可以有座位坐，只是起飛降落就必須跟番大人坐扣BB安全帶。好好彩呢，當年同家姐第一次去旅行也是這樣。
起飛不久，空姐也主動問係咪要BB籃，當時細佬已經順利訓著了，SET好個籃後，我嘗試放佢入去，不過其實23個月既細佬已經太長，隻腳突哂出黎，其實咁都係有點危險，所以最後決定唔要個籃放番佢落spare位坐住訓好了…
 |
| 經常食住手指的細佬... |
 |
| 已不再是BB了！ |
又醒又訓又食...終於過了五個幾鐘....到達日本了！
落機後姑姐一馬當先就衝了去過關和拿行李，於是很順利我們也出到大堂。最初，我地係諗住坐JR去札幌再行去酒店，但由於我地間酒店不近JR札幌站，是要行大約20分鐘或者轉市內電鐵，而在出發前幾天，我發現原來坐機場巴士都相當方便，所以我地落機就去左information度問機場巴士既事宜，機場COUNTER既姐姐英文尚算可溝通，順利教我地怎樣坐。於是我們搭升降機落地下那層，順利在售票機買了機場巴士的票，如之前在租車篇所講，6歲以下係免費乘坐的，只需¥1030一個成人，(坐JR好似是¥1040一個成人)，直接到酒店附近，好方便呀！巴士站有好幾個，聽足指示唔好去錯就得，一出門口已經係，嘩..點知一出到去呢....好凍呀~~立即走番入去....現場係落地大玻璃門，所以可以企係裡面等到車黎先上，我地見先後有幾架車埋站，不過都不是我地要坐的，與司機指手劃腳問佢係咪呢架，最後車準時來了！好似平時D旅遊巴咁，下面放好行李順利上車，又係訓覺既時候....由機場到札幌市中心，大約一小時多點，我地在大通公園落車，識路都話行過去酒店應該5分鐘，雖則有google map在手，不過其實我睇地圖都係麻麻地，所以邊行邊問，最後都順利到酒店啦！
今晚入住的是Nest Hotel Sapporo Odori, 附近還有間姊妹酒店，地點勁近狸小路，真係轉個彎就到！我地經hotels.com訂一晚大約600幾蚊，不包早餐，D房偏細同埋D燈偏暗，原本話最多只能兩大一小入房，咁我地四大兩小訂兩間房，你咪理我點住啦！check in過程順利，酒店員工英文幾好喎，大堂有免費啡茶享用，整體感覺都不錯的，相對平既價錢算係咁啦！上房休息後，我們就出動啦！今晚主要係附近食晚餐、行下街，休息夠就明天再出發！酒店有些附近食肆的coupon送，不過姑姐一早已經找了心頭好，就跟住去啦！
 |
| 狸小路都有個商場，旅遊書也有介紹的，但無去過 |
行去狸小路真係3分鐘就到，搵到我地想去既食肆，點知老闆一見到有小朋友就話唔入得....乜咁既咩？咁去第二間囉....狸小路其實有好多居酒屋，但大部份好細，坐得10-20人，所以有訂位就穩陣，最後我地左行右行，就去左一風堂，在香港我都無食過，來日本食更正宗啦！等左一陣就有位坐，現場好似有幾個大媽...叫了幾碗不同拉麵share食，其實.....又唔覺得超好食喎！叫左5-6樣野，盛惠¥5060。
食飽飽就附近周圍行，狸小路好似大部份都係藥妝店，其次就係食肆，其他類型的店不多，我亦無去睇。路經CREAMIA雪糕店就即刻買杯黎食下先，呢間店近來來左銅鑼灣開分店所以我先識佢，第一次食，好CREAMY，FEEL到脂肪度好高....心心同信信係度爭食…
第一日行街當然唔會咁快掃貨，都係格下價先，但今晚有個重要任務，就係買.尿.片！
 |
| 狸小路有1-7段....但都係差不多的東西 |
因為大家都說來日本唔洗帶片呀，黎到買仲平呀！所以我淨係帶左幾條，最多捱埋明天，所以今晚著力去買片，但原來藥妝店無片賣！？一路在狸小路行，之後姑姐話跟遊戲書去另一間大D既，但其實都唔大，最後只有散裝尿片，等於我在7-11買，完全唔平呀，所以我唔買住，跟住我地諗住返酒店先，姑姐兩公婆自己去玩多陣，但回途中我死心不息入了一間有三樓高的藥妝店，終於比我找到了！
由於片片在地庫，我推信信就搭lift.，入lift時無留意個lift原來上的，但lift內的日本人好好，知道我落，立即CANCEL了上的掣(有D LIFT係按著了再按就會熄番)比我落左先，但原來地庫又係要上番幾級樓梯，老公不在身邊，點知lift裡的日本男士主動出來幫我搬BB車上去，嘩，真係好人呢~~結果我地順利買了片片(但我地好低能到...到用左一日既一刻先醒覺，E? 我地買左學習褲既？是旦啦！)，仲去7-11買了幾件飯團做明天早餐！
回酒店沖涼訓覺....一張床四個人訓真係逼逼逼...ZZZZ
 |
沒有留言:
張貼留言