信心之旅: 6月 2017

2017年6月27日星期二

北海道8日7夜親子自駕遊--Day 8: 札幌--香港

由於信信仲係唔太舒服，諗住反正有時間就早上同佢去睇醫生，問左酒店職員邊度有得睇，推住BB車行左幾條街終於到，點知最後話因為語言問題醫生唔肯睇，我以為日本D醫生應該英文都OK架，點知唔係，可能呢間只係診所，唔係醫生，算啦，信信又係好嚴重，諗住睇左醫生返去再睇都可以CLAIMS旅遊保，咁睇唔到唯有回程。

最後一日基本上無行程，就係執齊野CHECK OUT去機場。在酒店附近已經有巴士直到機場，好方便！北海道札幌機場都大，分國內國際線，食肆和商店也不少，還有個好適合小朋友玩的地方，所以預早時間來行下，我地仲專登去寄POSTCARD比香港的家呢！

叮噹粉絲更加不能錯過！佢有個好似PLAYROOM既野可以付錢入去過，但我地然係慳家淨玩免費東西啦！同埋幫人買手信啦！

北海道再見啦！希望遲D有機會再黎啦！

2017年6月26日星期一

北海道8日7夜親子自駕遊--Day 7: 札幌

今日係爸B生日，我地一家四口自己去玩！

由於我地無訂酒店早餐，求其食左些7-11買的飯團便出發，首站是逛逛狸小路！我地住返day 1那間酒店，所以係好近狸小路，轉彎就到，不過早上都比較靜。今日行程輕鬆，主要係市內行下，信心媽去旅行經常行超多的路，還好心心都行得下，不過細佬今日真係唔係幾舒服，推住BB車等佢訓下。

經過電視塔再朝Sapporo Factory進發！Sapporo Factory係商場，有戲院，但我來的目的係100yen店呀！先去對面的半田屋食個午餐，然後去掃貨。100Yen真係好抵買呢！我地都只買左3780Yen，唔係好誇啫...

行完街，諗住返黎大通公園玩下，本身公園都有些兒童玩意的，不過由於我地BOOK左枱去食蟹宴，所以無咩時間逗留，唯有快行。

時間關係加上都想試坐市電，所以就坐啦...上車前我已經向車長問長問短驚自己坐錯方向，你知同日本人溝通係有難度啦，阻住人地開車我都唔係幾好意思..點知到我差不多落車既時候...細佬竟然嘔！嘔到我同心心個身都有，仲要個地同櫈都污穢咗，又到站落車無時間幫人清理番，搞到我好狼狽咁衝落車，勁唔好意思...希望同車的人唔好怪我啦...我都唔想架...

落車後搞一輪...終於黎到「蟹將軍」享受一餐生日飯！「蟹將軍」有幾層，裡面有lift可以上，但BB坐不能進，只放地下那層，唯有抱抱信信上去，佢嘔完好似精神少少，但都唔係好舒服，基本上都食唔到嘢，全程訓住。

我地被安排坐在矮枱，地方很大，人唔算多，為爸爸慶祝生日，食得好D，叫左3個餐！(但好抱歉，事隔太久連自己食左咩都唔記得了)，包括一個兒童餐給心心的。各式各樣的蟹料理，放都一枱都係！很豐富很滿足！如果信信都精神一齊做就好了！期望下次啦！

回酒店前還是要shopping一下...哈哈哈....

2017年6月25日星期日

北海道8日7夜親子自駕遊--Day 6: 富良野--美瑛--札幌

食完早餐之後就要同民宿講再見了！今次住宿體驗很不錯，很喜歡這裡呢！臨走當然要影相留念啦！

有個細佬好唔合作

公眾休息間(有按腳機)

很喜歡的彩雲樓梯

洗手間位置.可以入錢洗衣.

認住個門口會比較易揾

離開民宿後，我們去了附近的麵包超人館，除了有好多包超的精品、玩具外，地下嗰層有個play area可以讓小朋友玩一番，而一樓好似一個畫廊咁，有好多大大張的包超畫，亦有間房比小朋友去可以塗顏色，原本門口都有嘢玩的，但因為天雨今次無得玩！小朋友在這裡玩緊既同時，姑婆同姑丈就行左去隔離的「共濟農場」，其實我只能話這裡係一間細超市，結果都買了些咖哩和肉汁回去。

然後開車到附近的麓鄉展望台，位於山上，本身應該可以睇到好靚既風景，但天公不造美，落住超大的雨，係咁E下車在涼亭拍幾幅相就走了。離開富良野前，盡我最後的能力，再去埋「彩香之里」，諗住博下有冇花，不過都係失望而回，花期未到，無辦法。

麓鄉展望台

中午午餐今次幫襯了一間創意料理店KUMAGERA((Kumagera 是啄木鳥的意思) ，外觀都幾靚，入到去都幾多人，等了一會兒先有位，最記得佢有牛肉刺身！食落唔似牛既質感，一試無妨！食飽飽就去旁邊的富良野站打卡，今次自駕所以無機會坐火車，黎火車站影幾張相好過無啦！個站唔大，兩步睇哂！

跟住往美瑛青池進發，一小時左右到達，雖然天氣不佳，不過還是有好多人前來睇景，由於整日都下雨，所以條路好多泥濘，抱住信信去看，青池係靚的，如果天氣好還更美，青池的美在於不同時間池面的顏色會不同，不過當然我們這一次不會看到，但也是可以打卡的地方。基本上大家都係沿住條路影相和看風景，人多就互相就下讓路啦。睇到最後又開始下雨了，唯有快快上車，然後往札幌出發。