紙飛機親子空間- 消費不高的親子餐廳

今日又係「暑假玩一番」時間，今次去遊輪碼頭既「紙飛機親子餐廳」，喺九龍灣德福廣場坐小巴過去，落車後坐升降機到頂樓喺平台行過去就係啦。😀

我哋大約六點九左右去到，可能因為平日夜晚，人數不多，一入餐廳先要除鞋，大人有拖鞋提供。餐廳職員指示我們座位後，我們也急不及待去看看有什麼玩了。🙆

餐廳已木器裝修為主，感覺簡約整潔，分了不同區域，近門口位置有扮超級市場和廚房的地方，食物都做得很逼真哦！🍎🍑🍪

穿過餐廳座位，中間有小BB遊玩樂園、換靚衫嘅位置、不同造型嘅搖搖馬和飛機仔、照顧BB嘅沖涼用品，仲有多架迷你BB車及假BB俾小朋友玩，埋邊嘅位置有一個木珠池同埋兩層高嘅小屋，仲有木製嘅sir滑梯可以比小朋友捐來捐去。

另外仲有一個安靜嘅睇書和油顏色corner，真係可以滿足不同年紀和性格的小朋友。👍

掛住玩唔記得叫嘢食，無耐職員走過來提醒我要快啲點餐了，要咗一個返璞歸真蔥油拌麵（ $48 ）、走鹽完味魚湯泡飯（食$68 ）、超凡黑松露炒飯（ $98 ）。

落單後食物都很快送上，走鹽完味魚湯泡飯味道較淡，適合小朋友進食，有一小碗卜卜米另上，我冇理就咁到晒落碗湯度，分量唔算多，不過同價錢相符。

另外蔥油拌麵有好多蔥係面，真係冇其他餸，但啲麵夠入味。

黑松露炒飯係三個入面最好味的，濃濃的黑松露香氣撲鼻，有雜豆和蛋絲炒埋一齊，啲飯炒得乾身，而且份量都算幾多，值得推薦。

由於我哋冇叫飲品，店員好細心主動話可以送兩杯泡泡牛奶比我兩個小朋友，真係好讚啊！💓💓

收費方面，小朋友（12歲以下）入場兩小時為$138 （週末及假日$198 ），大人餐飲最低消費為每人$100，以親子餐廳的最低消費來計其實唔貴喔！不錯！

大樹先生的家(銅鑼灣店)

近來香港越來越多親子餐廳，其中來自台灣的大樹先生都一直係經常爆滿非常難book,記得當年去台灣旅行本來都book左枱去玩，但最後因行程改動取消了，而香港荔枝角開業後亦一直未有機會幫襯，到而家先知原來銅鑼灣開咗分店！ ！（消息真係慢人幾拍）立即趁暑假期間，帶兩隻嘩鬼來玩一下！

晚餐時段由6:30開始，我們準時排隊入座，小朋友見到玩樂設施已經非常興奮，一放低袋就衝去玩。餐廳有一半位置係玩樂區，九成九的遊樂設施都需要脫鞋進行，先脫鞋後噴消毒藥水洗手就可以入去。

超大波波池當然是大樹先生的最大特色，據聞波波顏色仲會久不久轉（更加證明佢地會換波清潔），今期是浪漫的紫色大海。小朋友跳進波波池玩得興高采烈，還有滑梯增加趣味！波波池旁邊是有網陣，有幾個吊著的沙包供小朋友攬住玩。

  

除此之外，還有很多其他玩意，積木類、煮飯仔類、畫畫類等，又有靚衫可以扮公主！仲好細心的設了一個2歲以下區域，以免bb被哥哥姐姐撞到。

至於另外1%唔洗除鞋既區域係玩水的，小朋友要先穿保護衣防濕，然後就可以去「釣魚」。我諗好少親子餐廳肯玩水，而且佢地就寫明水質達食用級數，家長可以放心！餐廳都好注重衛生，有小朋友忘記除鞋衝左入遊戲區，職員亦立即抱佢出嚟，而用餐位置就必須穿鞋。

心心和信信當然玩得好開心，我同老公更開心係可以放下佢地一陣享受一頓晚餐。別以為親子餐廳只着重玩樂啲食物就唔得，呢度都給我有點驚喜。

我哋叫咗一個「照燒頂級銀雪魚配黑松露薯蓉」（ $328 ）、「慢煮特級牛柳伴鵝乾配黑松露醬燒肉汁」（套餐$316 ），另外叫咗兩個兒童餐，「大笑貓貓配煎魚柳」（ $158 ）以及「螃蟹寶寶配照燒雞扒」（ $158 ）。

我個銀鱈魚相當好食，魚柳都大件，煎得香、魚肉柔嫩又滑溜，如果黑松露薯蓉有好香黑松露味，真正色香味俱全！

老公叫嘅牛柳加鵝肝都好大塊，食咗一啖牛柳，肉質好腍，估唔到呢度啲扒咁好，真心驚喜！佢都有黑松露薯蓉，另外仲有少少時菜，所以份量俾我嗰個大。佢亦upgrade變套餐，有埋沙律同湯，羅宋湯偏譚，可能就番小朋友口味，沙律有埋蟹籽味道幾好。

兒童餐當然賣相好吸引，一份係螃蟹造型，另一份係貓貓造型，有主菜同湯同一份水果，味道都OK，相對健康。

另外我哋都叫左四杯特飲，分別係草莓香蕉、紫薯鮮奶、蘋果菠蘿汁，同埋一壺熱嘅水果茶。

特別想讚下個水果茶，果香味濃郁，打開壺蓋裏面見到有椰果、藍苺、蘋果、菠蘿、檸檬等，飲落去甜甜地又有茶味，而且好大壺可以飲好多杯，好味又好抵呢！

其他特飲賣相好靚，味道全部都幾好，甜而不漏！

除咗玩樂設施，基本親子餐廳設施包括BB櫈、BB餐具等當然一一齊全，廁所的廁格易容親子廁板， 十分細心。餐廳內仲有一間房可以揀開，相信係舉辦生日會用，不過現場見到大廳都有小朋友切蛋糕，唔知使唔使另外加切餅費呢？