戒片未呀？

 如何幫小朋友戒片？其實方法都是那幾個，不外乎：

l   買個靚靚廁所仔同靚靚底褲吸引佢

l   俾佢睇住你去廁所(有時你唔想俾都唔得，你懂的)等佢模仿你

l   狂叫佢飲水等佢有多D尿去然後每隔15分鐘捉去一次

l   逼佢穿底褲，幾天內應該自然成功！(當然這幾天你要左抺右抺)

心心家姐在佢2歲之前已經成功戒片，還是只有瀨濕過一次跟住就好成功識得自己去vv，當我以為所有讀N班的小朋友都要在入學前戒片既時候，我陪心心返學的第一天才知道，原來有好多小朋友都未戒片的！原來學校有嬸嬸幫助換片的！作為少數已成功戒片的小朋友家長，信心媽不其然係有些少沾沾自喜的，然後到了過左大半個學期，發現還有小朋友未戒片，當刻係真的有點兒驚訝！

好了，到信信來了，別以為這位家長有經驗了，要幫細佬戒片可容易了！落筆這刻信信已經兩歲九個月，他還未成功戒片！他變了班上少數還未戒片的那個！原因嗎？一來要等天氣暖番才做這件事，所以去年入學前不成功我就算了，(因為我知道了學校能穿片這個秘密！)，其次是信信不喜歡去廁所，不肯除片，當然媽媽應該恨心一點逼佢穿底褲，然後兩天KO佢！不過在有兩個孩子、沒有工人、沒有長老還是雙職父母的情況下，其實，我真係無乜心力去處理這個問題，所以亦一拖再拖，也期望靠學校來教好佢！不過近來老師也開始有微言，指我應該給他多喝水才能有便意….好了！終於上星期日成功了一次！竟然分別成功去小便和大便！當然立即大聲讚賞！鼓勵他繼續努力…然後翌日又回復舊況…革命尚未成功，同志仍須努力！

我想說的是，每個小朋友都有自己的節奏，有些事趕不了，只要盡你能力就好，毋須跟別人比較。而且家家有本難唸的經，看見別的小朋友未做到某些事物，無須給其父母白眼，默默為他們加油就好了！

BB有便便了？

周不時聽到有家長因為小朋友便秘而喊救命，其實心心開始轉固體食物既時候，都遇過呢個問題，咁我地有咩解決方法呢？

1.      飲水

心心是全人奶BB，所以佢頭半年真係一滴水都未飲過！(諗落真係覺得好神奇！)到佢開始食固體食物，就要慢慢比水佢飲，可能起初飲既份量較少，所以佢就出現便秘既情況，見佢poo poo痾到喊哂，真係心到痛埋，所以唯有盡量比多D水佢飲，不過由於飲慣甜甜地既奶奶，對於無味既水，佢就真係不太感興趣，但我地又唔想因此而比果汁嗰D佢，所以真係照比水，或者家長都可以考慮在水中加入檸檬或水果浸住，等D水有些少味道會好飲D！但我就真係唔建議直接用果汁代替，咁只會令佢日後更多唔鍾意飲水。

2.      通便食物

除左飲水，仲有好多食物都會幫助排便，乳酪、西梅、火龍果和香蕉等，不過記得香蕉要揀熟的，原來生的香蕉會令便秘更嚴重，我地都係錯過先知！

3.      按摩

呢一招我地覺得非常有效，就係幫BB在肚仔上按摩，記熟口訣：「1 0 = I LOVE U」！

l   先把BB平躺在舒服環境，可以就除開衫仔開始按摩

l   用手在BB肚臍上的位置開始向下按，就像寫一個亞拉伯數字1

l   順時針打圈，像寫個0字

l   在肚臍附近由左至右打橫按過去，像畫 = 符號

l   再由上至下劃一次，寫「I」

l   由左至右打橫劃過去再向下，像寫個倒轉的L，目的是幫助大便蠕動，記住別要把方向搞錯，否則便便會被你推回去啊！

l   根據大腸位置，由下至上再轉右再向下，像寫個倒轉的U，同樣幫助把便便推向肛門位置。

l   每個動作可以重覆數次才做下一個動作，毋須過份大力，可以一邊做一邊望著BB唱歌或傾計，BB會好開心啊！

很記得有次心心在努力便便，痛到喊哂，我和爸爸一邊幫佢按肚仔一邊叫佢加油，感覺真的像等待BB出世一樣！最後「BB有便便了！」終於明白這句說話背後的快樂了！不過感恩這段便秘的時間不是維持了太長，之後習慣了固體食物，慢慢亦不再出現了！反而媽媽自己有時也會幫自己做肚仔按摩呢！