信心之旅: 2020

2020年5月1日星期五

沙田區BB級行山路線！玩水捉魚仔！落車15分鐘內行到！(有片)

我地一家都唔係經常去行山⛰，有時想郊遊一下都只能揀bb班的路線，免得有人行到半路要抱🤣🤣

繼上次跟朋友但去過馬鞍山富寶花園的後山短行及捉魚仔🐟🐠後，今次爸爸就話要帶信心兩個去佢做仔時行過既後山！！講緊廿幾、三十年前既事，咁多年佢都無去過，而且爸爸一向係路痴唔多認得路，不過即管一試啦！😅😅

今次爸爸都有做定功課，💻上網揾左資料同埋問咗仲係呢邊住既大哥，但大哥話佢無再成功去過😅......我就奇怪點解唔直接問老爺呢？當年由佢帶路而且佢仲住呢度，實知條路係點....🤷🏻‍♀️🤷🏻‍♀️

Anyway,我地出發啦！🙌🏻出發點其實可以揀廣源邨或黃泥頭，選攞方便自己的巴士路線就可以了！🚌

📌廣源邨總站：巴士 49X/85A/281A/82C/82P/82X或小巴804

📌黃泥頭總站：巴士 82K/ 83K/ 83S/ 83X/86/89S/240X 或小巴65A/65K/806A

我地今次在廣源出發，落車後向上行，可以在巴士總站外（商場的相反方向）沿住斜坡行上去，

或者😌舒服d就在商場嗰邊搭扶手電梯，落車後向商場方向行，就會立即見到有條向上既扶手電梯。🔆🔆

沿電梯向上行就可以到康林苑，🚶🏻‍♀️一直往前走，直至見到紅磚牆停車場入去就可以穿入去，再向前行就可以行經天橋過到去康林苑平台（否則落左地面要過馬路）。👍🏻👍🏻

天橋出口會見到📍指示牌，轉左向政府宿舍行就啱啦！沿路向前盡頭就有樓梯落，就會見到黃泥頭巴士總站！（其實由廣源行上黎都只係十分鐘內既事😂)

黃泥頭落車既朋友，由呢度開始出發！👯‍♂️

巴士站對出就會見到條短樓梯，好多行山人士都在這個位休息。🙆🏻‍♀️

上到去行前兩步就會見到分叉路，向指示牌寫住「花心坑村」嘅方向行就啱啦。🌟🌟。

沿路一直上，會經過一些村屋和一大遍🍌蕉林，行到路嘅盡頭又係分叉路啦。

正前方就係花心坑村，路牌顯示🚶🏻往左走就是梅子林，另外有張細紙寫住右邊係去黃牛山。

呢個時候，爸爸👨🏻都唔知應該向左走定向右走，問過路過嘅行山人士佢哋都唔係太清楚，但佢哋有右邊來就話冇見過集水區，所以最後我哋就決定⭕️向左行(梅子林方向)！

行咗1分鐘左右就離遠見到集水區嘅牌啦！

🈶🈶🈶行上幾級樓梯，就會見到鐵絲網嘅右手邊有一條小路通往集水區，真係唔行上嚟都未必留意到。終於比我哋搵到目的地啦！ yeah ！👏🏻👏🏻👏🏻

現場都有兩個家庭在玩，我地繞圈一看，其中一邊比較有石，流水的地方好淺（只可以用水tum來形容），有個小bb👶🏻在玩。先提醒大家，這裡很多蚊呀！一定要做好防蚊措施！我們用了防蚊精油，但還是被咬了很多口！😣

另一個較細既池水似乎無乜流動，所以我地還是去最大既池，這處有石邊可坐著浸腳，埋邊會比較深，要小心點‼️我地坐了一會兒，原先那家人也走了，所以我地獨霸大池！♥️爸爸說：以前爺爺就是會帶他們來這裡游水，相信現在無人咁做啦！✖️✖️✖️

細心看會見到池裡有很多🐟小魚，我地開始撈啦！我地用既係自家製魚網（就是將衣架屈成形狀再加上平時買蒜頭嗰啲網袋），另外也帶了個廚房用嘅篩，不過撈魚真係好難，因為啲魚走得好快😮，就算見到有啲魚仔扒喺石頭上邊唔郁，但你一想捉佢佢就走了。😜😜

後來有個相信係成日捉魚嘅爸爸嚟咗，佢用街買嘅魚網，由於可以平放喺石頭上，佢竟然好快就捉到一條了😳，我們學佢將魚網調校一下角度，盡量可以平放黐住石頭面，然後當個網蓋着🗿石頭上不動的魚仔時，再另外用一些東西搞動小魚，等佢游上個網裏面，然後即刻封口拎起網！🌚

雖然已經知道竅門，但係我哋都用咗相當嘅時間，在差不多放棄要離開的時候，才由爸爸最後成功捉到一條小魚！🥳🥳

池塘內除咗小魚，還有一些螺，可以看見他們在動呢！😃相比上次在富寶後山那邊，那裏在石隙間有很多蝌蚪，但這裏反而不見。爸爸在另一個池塘也發現有些蝦🦐，不過也捉不到了。

玩了一個多小時，🕠都係時候要離開了，走之前當然要同池塘嘅小生物拜拜，然後放返佢哋去原位啦！🚩🚩

這舊石就是「花心」坑的標記！

跟住我哋就沿路返番落去了，落山感覺就快好多，轉眼間已經見到黃泥頭巴士總站，其實呢條路都只係10至15分鐘左右，非常易行。💯十分適合一啲唔行慣山嘅小朋友，都可以近近地黎玩下。🉐🉐🉐

如果有時間，大家都可以行吓廣源邨呢啲舊式屋邨，廣源商場曾經喺1992年攞過香港建築師學會頒發💡優異獎殊榮，佢裏面用咗英國紅磚設計，而最特別嘅「景點」，💎當然係佢嘅鐘樓啦。

商場裏面其實都幾多食肆，仲可以去5樓嘅街市幫襯新裝修嘅🍴food court，而家好多街市都裝修成類似嘅模樣，熟食檔都好多。😋😋😋行遠d出邨外，仲有啲村屋嘅食肆可幫襯呢！

除食肆外，樓下嘅商店仲有買少見少嘅舊式文具舖和小型兒童遊戲中心（不過因為疫情期間而家冇開了）。🎏🎏🎏

各位爸爸媽媽，不妨帶小朋友嚟懷舊一吓！💕💕

睇片：

🔹🔹🔹🔹🔹🔹🔹🔹🔹🔹🔹🔹🔹

誠邀大家讚好我們的專頁👍🏻👍🏻 https://www.facebook.com/shunsumjourney/

同時可以👀follow: https://www.instagram.com/mcjessieblogger/

2020年4月30日星期四

元朗一天遊(校長燒肉>元朗公園>黃店甜品鋪「原點」)

復活節四日假期，梗係要🚘🚃周圍吃喝玩樂啦，今日專登一家人入咗元朗玩，👨‍👩‍👧‍👦第一站就嚟出名夠平嘅校長燒肉(元朗西裕街達輝徑1號足彬大廈1樓3B號舖)吃餐飽，我哋午市揀最貴個餐都只係$148 （成人），小童都只係$118 ，就可以享用兩小時嘅烤肉、火鍋加刺身自助餐，正呀！👏🏻👏🏻👏🏻

去到門口先俾佢嘅裝修吸引左，竟然有一大個Iron Man公仔，信信見到好開心即刻影相。行樓梯上一層就係用餐區，一路行已經見到啲食物款式真係超級多，我諗幾百款都有。

呢度嘅食物種類真係超多，分唔同區域，一目了然。

1️⃣首先刺身同🍣壽司區，各有六至七款，都係最基本嗰啲三文魚、吞拿魚、🦐赤蝦、欺凌魚、螺片、玉子、🐙八爪魚等等，記得一定要身上邊貼有「壽司刺身貼紙」代表你俾咗呢個價錢先至可以去嗰度拎食物。😼

2️⃣另外餐前小食和熟食區都有好多選擇，例如日式沙律、泡菜、各款炸物、西多士、洋蔥圈、蒸水蛋、碗仔翅、🥚溫泉蛋和中式點心，另外仲有好多熱葷包括🍝🍚炒粉麵、菜、肉類和雞等。仲有一煲人蔘雞🐔湯，呢個好好味。

不過我最緊要就梗係3️⃣燒肉啦，燒肉和火鍋區嘅食物放在一起，款式都超級多，隨口講幾樣例如火腿扒、🐃牛仔骨、雞腎、💛牛肋條、叉燒、牛扒豬扒、雞軟骨、🧡雞翼（三款）、鯖魚、秋刀魚、多春魚、魚腐、腸仔、各類丸、❤️芝士腸、番薯、肥牛片等，當然都唔少得🥬蔬菜、🌽粟米和餃子🥟呢啲。

4️⃣飲品選擇都超級多，一般啤酒汽水、🍹紙包飲品果汁等等有罐裝有樽裝，可以沖花茶仲有🥂梅酒清酒（要留意番你個餐包唔包）。

5️⃣甜品部都係🍮果凍、啫喱之旅，雪糕就要萬事先至供應，都有幾款味道，仲有一煲糖水。🤗

淨係寫出嚟都已經咁多嘢，可想而知真係冇可能食得晒咁多款，絕對係😵😵眼闊肚窄，但係🥳🥳超級開心， 🤩🤩十分豐富。

燒肉來講，我推薦食呢個牛冧肉，薄薄地好快熟，而且真係好腍，好味。另外漢堡扒同雞翼(有幾種味道)都係好好味！仲有雞軟骨係信信嘅最愛之一。💓💓

而且佢啲食物質素都真係唔差，所以除咗燒肉，其他小食都好唔錯，溫泉蛋我哋食咗好多隻，另外碗仔翅都唔差，但一定要試呢個人蔘雞湯，好濃味又夠足料，飲過返尋味。😸😸

呢度地方相當大，而服務都唔錯，有侍應主動嚟幫我地換走燒爐上嘅紙，以呢個價錢有咁嘅食物質素和用餐體驗，真心性價比超高，入嚟元朗嘅朋友，真係推介一定要嚟食。🉐🉐🉐

去完第一站食飽飽，就行下附近啦，之前揾資料睇元朗有咩玩，發現大部份都係食食食🍚🍚🍚，啱玩既可能又要遠啲，所以最後還是近近地行去元朗公園好了。

由校肉燒肉行去元朗公園其實都係10-15分鐘路程，一條直線唔難揾，離遠已經見到個百鳥塔。元朗公園都好多草地，不少人都在野餐，相信如果唔係有疫情，應該會更多人！

我地沿草地向上行時，見遇有人「放免仔🐇」呢！一黑一灰，仲要著裙，好搞笑。心心信信同其他小朋友都行過去摸下和影相📷，不過我就連邊個係主人都未搞得清😅😅

行到上百鳥塔🐦，果然跟估計一樣，因疫情而暫停開放，只能在門外望下，還見到有隻好靚既彩鳳死了在門口，管理員正在找東西蓋著牠。

然後我地往公園的另一邊影下相，休息下，扮下文青😜😜
今日天氣真係好好🌞🌞所以都非常熱！

影完相我地又返返去大街附近食甜品，呢間「原點Here Dessert」(馬田路安寧大廈4號地鋪)一睇就知係黃店(聽聞校長燒肉都係喎！)💪💪