去到位於怡東酒店後面的一間懷舊冰室「喜喜冰室」
之前曾經見有團購coupon， 所以都睇過相，今次第一次黎到，覺得好得意呢！
門口戶外位置別具風格，仲有一大張乒乓球枱，係咪可以借板打o架？
 |
| 大門口 |
一入到去就會見到有架小巴！！真係好港式呀！連小巴個冷氣風口位佢都做埋！好得！
不過今日無得坐小巴，被安排坐入「房」，房內的擺設全部都好吸晴！
連枱面既用品都好懷舊feel~~好想下次帶埋阿女黎比佢見識下....(其實餐廳內仲有更多野睇，不過咁多人食緊飯就唔好意思係咁影啦....)
雖然個裝修咁特別，但查實佢都係一間茶餐廳，所以d野食係完全唔貴！
佢個餐牌都好有特式，除了呢本...
仲有枱面呢張....有埋張曼玉陪你揀食咩...
我地叫左個午餐，都係$59！有餐包、湯、主菜和飲品。如果係中式既餐就會有中湯同油菜！
不得不提既就係呢個巨型提子包：
佢就係午餐既餐包！有幾可見到咁大個餐包！要早先有o架！阿姐好好，我地一問仲有冇呢個包，佢二話不說幫我地拎咗過黎先，再慢慢落單！
隔離枱遲過我地就無了，變番普通餐包！
未見識過之前，我同事話無人會食得哂，我唔信，因為信心媽一向大食，但結果係我都輸咗！食唔哂，千其唔好嘥，問阿姐拎個紙袋仔入住留番下午茶！
食物味道ok，份量係多，都話信心媽大食，平時d餐我一定食得哂！但呢個我都投降！我d同事全部食得一半，如果幾個女仔黎，真係兩個餐三個人都夠了！
大件夾抵食！仲要唔收加一！同事有南華會會員咭仲有九折！以後唔帶飯都有好地方去lu！
